काठमाडौं, 

१०९ औं अन्तराष्ट्रिय महिला दिवसको सन्दर्भमा फाल्गुन ०४ गते शनिबार 'लैङ्गिक हिंसा बिरुद्द कविता वाचन तथा चित्रकला प्रदशनी कार्यक्रम' काठमाडौंको खुल्ला मन्चमा सम्पन्न भएको छ ।

कविता तथा चित्रका माध्यमबाट लैङ्गिक हिँसाका विरुद्दमा आवाज तथा जागुरुकता लेराउने हेतु आयोजित सो कार्यक्रममा मदन पुरस्कार विजेता तथा सामाजिक अभियान्ता राधा पौडेलको प्रमुख आतिथ्य रह्यो ।

आधा दर्जन कविको आधा दर्जन कविता वाचन सहित विभिन्न विद्यायलयका विधार्थीहरुले आ-आफ्ना चित्रकला(पेन्सिल स्केच) प्रदशनी गरे । 

साथसाथै कवी तथा चित्रकार रसिक राजको चित्रकला प्रदशनी कार्यक्रम पनि सम्पन्न भएको छ । कविहरु अस्मिता राई, अंशु खनाल, प्रज्वल अधिकारी, राजु झल्लु प्रसाद, स्मृति रानाभाट र सुरज पराजुलीले आ-आफ्ना एक-एक कविता प्रस्तुत गरे । अस्मिता राइले 'म',  अंशु खनालले 'छोरीको छाती र हरामी आखाँहरु', प्रज्वल अधिकारीले 'यौटा दर्बिलो आँट', राजु झल्लु प्रसादले 'चुपचाप', स्मृति रानाभाटले 'दिग्भ्रमित परिचय' र सुरज पराजुलीले 'छोरी'  शिर्षकका कविताहरु सुनाएका थिए।

मुलबाटो प्रतिष्ठान नेपाल, काठमाडौंको आयोजकतत्वमा तथा पहल नेपाल, पोखरा र आभा फर कृयटिभिटी , काठमाडौं सह -आयोजकतत्वमा कार्यक्रम सम्पन्न भएको हो ।

श्रमिक महिला दिवसको अर्थ र परिभाषा माथि विचार गोष्ठी, महिला हिंसा न्यूनीकरणमा पुरुषको भूमिकाबारे छलफल, छोरीलाई अंशको अधिकारबारे बहस  जस्ता विभिन्न कार्यक्रमहरु क्रमशः फाल्गुन ११ गते विराटनगरमा, फाल्गुन १८ गते खुल्ला मन्च काठमाडौं , फाल्गुन २४ गते पोखरामा आयोजना हुने मुलबाटो प्रतिष्ठानकी अध्यक्ष प्रगति राईले बताउनुभयो ।