अबैध रुपमा तेस्रो मुलुक लैजान लागिएका १ सय ७९ नेपालीकाे उद्दार
काठमाडौं,
अबैध रुपमा रोजगारीको निम्ती भारतको मार्ग हुँदै तेस्राे मुलुक लैजान लागिएका १ सय ७९ नेपालीको उद्दार गरिएको छ । मानव बेचविखनको जोखिममा रहेका उनीहरुलाई भारतबाट माइती नेपाल नामक संस्थाको सक्रियतामा मंगलबार विहान झापा हुँदै काठमाडौं फर्काइएको हो ।
मानव बेचविखनको जोखिममा रहेका उनीहरुलाई मणिपुरबाट म्यानमार हुँदै खाडी मुलुक लैजाने तयारी गरिरहेकै अवस्थामा माइती नेपालको टोलीले भारतीय प्रहरीको सहयोगमा उद्धार गरेको थियो । सोमबार भारतको मणिपुरबाट आसामको गुवाहाटी हुँदै उनीहरुलाई पूर्वीनाका काँकडभिट्टा पुर्याएको माइती नेपालले जनाएको छ । उद्धार गरिएका मध्य १ सय ४७ महिला र ३२ पुरुष रहेकाे माइती नेपालले जनाएकाे छ ।
उद्दार गरिएका उनीहरुलाई माइती नेपालको काठमाडौंस्थित पुनःस्थापना गृहमा राखिने बताइएको छ ।
प्रतिकृया दिनुहोस5>