पश्चिमी क्षेत्रका अधिकांश स्थानमा मेघ गर्जन र चट्टयांग सहितको वर्षा हुने
काठमाडौं, आज सामान्यतया देशभर मौसम बदली रहने भएको छ । आज दिउँसो देशका धेरैजसो स्थानहरुमा आंशिक देखि सामान्य बदली रही देशका केहि स्थानहरुमा मेघ गर्जन र चट्टयांग सहित वर्षा हुने मौसम पूर्वानुमान महाशाखाले जनाएको छ ।
देशका पश्चिमी क्षेत्रका अधिकांश स्थानहरुमा र पूर्वी र मध्य क्षेत्रका केहि स्थानहरुमा मेघ गर्जन र चट्टयांग सहित हल्का देखि मध्यम वर्षा हुनेछ । देशको पश्चिमी तथा पूर्वी भू भागको एक दुई स्थानमा भारी वर्षाको सम्भावना रहेको मौसम पूर्वानुमान महाशाखाले जनाएको छ ।
महाशाखाका अनुसार आज राति देशका अधिकांश स्थानहरुमा सामान्यतया बदली रही केही स्थानमा मेघ गर्जन र चट्टयांग सहित वर्षा हुनेछ । हाल देशका अधिकांश स्थानहरूमा सामान्य बदली रही पूर्व र पश्चिमका एक दुई स्थानमा हल्का देखी मध्यम खालको वर्षा भइरहेको छ ।
प्रतिकृया दिनुहोस5>