काठमाडौ, वैदेशिक रोजगारीको लागि कोरिया जाने नेपाली नागरिकले भाषा परीक्षाको आवेदन शुल्क अब ‘ई सेवा’ बाट सहजै तिर्न सकिने भएको छ । ई सेवाले कोरिया जाने नेपाली सेवाग्राहीहरुको भुक्तानी प्रक्रिया सहज बनाउन सेवा सुरु गरेको कम्पनीले जनाएको छ । 

चैत ८  गते  देखि १७ गतेसम्म सेवाग्राहीले ‘इ सेवा’ बाट आफैले इपीएस कोरिया टोपिक परीक्षा शुल्क भुक्तानी गर्न सक्नेछन् । परीक्षा शुल्क भुक्तानीका लागि परीक्षार्थीको मोबाइल नम्बर र पासपोर्ट उल्लेख गर्नुपर्नेछ ।

परीक्षा शुल्क चौबिस (२४) अमेरिकन डलर दस्तुर लाग्नेछ । सम्बन्धित दिनका लागि निर्धारण गरेको विनिमय दरमा हुनेछ । परीक्षा शुल्क भुक्तानी सफल भएपछि परीक्षार्थीहरूले टिपाएको मोबाइल नम्बरमा एसएमएसमार्फत भौचर नम्बर प्राप्त हुनेछ र उक्त भौचर नम्बर परीक्षा फारम भर्ने बेलामा प्रयोग गर्नुपर्नेछ ।

यो सँगै वैदेशिक रोजगारीको लागि कोरिया जाने नेपाली नागरिकले भाषा परीक्षाको आवेदन शुल्क तिर्न रातभरी लाइनमा बस्नु पर्ने झमेलाबाट मुक्त भएका छन् ।

परीक्षा शुल्क भुक्तानी प्रकृया पूर्ण भइसकेपछि परीक्षा फारम भर्नका लागि http://www.eoers.epsnepal.gov.np साइटमा जानुपर्नेछ ।

भिडियो सहित