वीरेन्द्र शाह, असोज २४ सुखड,
नेपालीहरुको महान चार्ड बिजया दशमीको टिका थापेर कर्मथलो फर्किनेहरुको सडकका मुख्य चोकमा भिड लाग्न थालेको छ । देश तथा बिदेश बाट दशै मान्न घर फर्केकाहरु अहिले कर्म फर्किन लागेको हुन । कैलालीका बिभिन्न बस काउन्टर हरुमा टिकट लिनको लागी यात्रुहरुको भिड बढेको हो । यस्तै सुखडमा पनि बस काउन्टरमा सुखड बाट बाहिर जानेहरुको भिड बढेको देख्न सकिन्छ ।

दशैको टिका थाप्न आफ्नो गाउँघरमा गएकाहरु कर्मथाले जान लागेको पाईन्छ ।सुखडमा घर भएका बिनोद जोशीले भने “दशै मान्न केही दिनको लागी घर आएको थिए । भोली काठमाण्डौँ जादै छु । कार्यालय बाट केही दिनको बिदा लिएर आएको हुँ । असोज २६ गते कार्यालयमा हाजिर हुनु छ उनले भने” । सरकारी तथा गैर सरकारी कार्यालयमा काम गर्नेहरु बडा दशै मान्न आफ्नो घर फर्किका छन । बडा दशै मनाएर आफ्नो गन्तब्यतिर फिर्किन थालेका छन् । विभिन्न कार्यमा संलग्नहरु आ–आफ्नो कार्यक्षेत्र जान थालेपछि बसपार्कमा यात्रुको घुईचो लाग्न थालेको छ ।

उच्च शिक्षा अध्ययनको लागि पनि जिल्ला छोड्नेको संख्या बढ्न थालेको छ । दशैंको पहिलो र दोस्रो दिन जिल्ला छोड्नेको संख्या सामान्य नै भए पनि तेस्रो दिन देखि भने चाप बढेको पाईन्छ । दशैमा सुनसान बनेको कैलालीको बिभिन्न बजारहरुमा बिस्तारै चहलपहल सुरु भएको छ । दशैको टिका थाप्न आफ्नो गाउँघरमा गएकाहरु बजारमा फर्किन थालेपछि चहलपहल सुरु भएको छ ।